Dhurata më e shtrenjtë

Nënë, nënokja ime!
Ç`të dhuroj për festën tënde?!
Dimër është, lule s`të zë syri.

Lule plastmase s`dua të të jap
Ato janë pa zemër, pa gjak.

Bija ime, zemra e nënës!
Vetëm një përqafim dua nga ti.
Eja më jep dhuratën më të shtrenjtë
O, të pastë nëna engjëllushe!
- - - - - - - - - -
[Mujë S. Berisha: "Dhurata më e shtrenjtë", Prishtinë, 2013, fq.35]

Ç' është dashuria

Dashuria është si fëmija
I do llokumet me arra
Dhe çokollatat me lajthia;

Dashuria është si lulja
Duhet kultivuar me kujdes
Dhe ruajtur me xhelozi;

Dashuria është si gjeraqina
Të rrëmben papritur
Dhe s` të lëshon nga kthetrat;

Dashuria është si ylberi
Ka shumë ngjyra
E zemrës është më e mira;

Dashuria është margaritar
Nuk blihet me para
S` peshohet me ar.
- - - - - - - - - -
[Mujë S. Berisha: "Dhurata më e shtrenjtë", Prishtinë, 2013, fq.59]

Mirëseardhje Shekullit të Ri

Lamtumirë mote të shkuara
Dhe ti Shekull i Njëzetë,
Vite t`mbara, vite t`prapa
Prehje gjetshi në muzetë!

Mirë se erdhe Shekull i Ri!
Në vatra tona sjellsh hare!
Sjellsh të mira e mbarësi!
Ja, po nis një epokë e re;

Jeta rrodhi stinëve tona
Dimra t`rëndë mbetën pas nesh,
Kohë të liga ikën, shkuan
Diell pranvera na buzëqesh;

Në hove pune, diturie
T'ecim para sa më shpejt,
Bota një, ne nga dy hapa
Njësh me botën në internet.
- - - - - - - - - -
Prishtinë, 2000

[Mujë S. Berisha: "Dhurata më e shtrenjtë", Prishtinë, 2013, fq.10]

Dhurata Më e Shtrenjtë (2013)

Mujë S. Berisha DHURATA MË E SHTRENJTË Përmbledhje me poezi për fëmijë “Fëmijëve të mi: Vlorës, Sokolit, Meritës, Violetës dhe Arbenit me dashurinë e zemrës, deri në përjetësi.” Shtëpia Botuese SAS PRISHTINË, 2013 Biblioteka AGU Redaktor: Sabit Jaha Recensues: Ibrahim Kadriu Lektor: Sulejman Dërmaku Korrektore: Vlora Berisha – Lipaj Realizimi kompjuterik: Ismet M.Isufaj Ballina: Qazim Tmava Ilustrimet: Bashkim Zabërgja Qazim Tmava U shtyp në shtypshkronjën: KGT Financuar nga: Drejtoria e Kulturës e Komunës së Prishtinës ISBN 978-9951-528-66-5

PËRMBAJTJA: Fq. Një zemër rrah veç për mua Grishje lexuesish 9 Mirësardhje Shekullit të Ri 10 Vendlindjen e bart në ëndrra përherë  11 Atdheu  12 Kur shkoj në Shqipëri  13 Shqipe jona kuqezi  14 Kosovë, urime përvjetorin  15 Edhe shesheve mësohet historia  16 Kënga e zogut  19 Sharr, ti krenari Kosove  21 Lumi zemërdëlirë  22 Ura me tri harqe  24 Një kujtim për mësuesin  27 Çdo shtator vjen i mbarë  30 Një zemër rrah veç për mua  31 Urime përvjetorin “Pioner”  32 Dhurata më e shtrenjtë 35 Qëndro në tallaze jete  36 Fëmijët janë pëllumba  37 Kush kujt i ngjan  39 Gjyshi më i pasur në botë  41 Princi ynë  45 Kur qesh Orgesi  47 Nipit që na rinoi pleqërine  49 Rritu në stinën e re  50 Lulja dhe kukullat e saj  51 A ndahet zemra  52 Fëmija dhe pëllumbi  54 Një shëtitje në gjithësi  56 Sprovë dashurie  58 Ç’është dashuria 59 Dasma e madhe  60 Kur vizaton Batoni  62 Jeta ndër stinë Veshje stinësh  67 Jeta ndër stinë  68 O, Gjysh Dimër, mirë se erdhe!  70 Borë, o moj, ti lozonjare  73 Motër e vëlla  74 Thurima gjysheje  76 Plaku dhe vitet e tij  78 Zemër nëne  79 Nuk kam zili, por…  82 Bota në kutinë magjike  83 Miqësi me spica Në mote të mira  89 Krokodili nga Nili  91 Dhelpra e qukapiku  93 Ariu e veriu  95 Korbi në korin e shpezëve  97 Mos lakmo shumë  101 Përralla për ariun dhe mjaltin  102 Nëse  104 Zonja vezë dhe cikërrimtari  106 Miqësi me spica  107 Kush paguan le të hidhërohet  110

---