Mirëseardhje Shekullit të Ri

Lamtumirë mote të shkuara
Dhe ti Shekull i Njëzetë,
Vite t`mbara, vite t`prapa
Prehje gjetshi në muzetë!

Mirë se erdhe Shekull i Ri!
Në vatra tona sjellsh hare!
Sjellsh të mira e mbarësi!
Ja, po nis një epokë e re;

Jeta rrodhi stinëve tona
Dimra t`rëndë mbetën pas nesh,
Kohë të liga ikën, shkuan
Diell pranvera na buzëqesh;

Në hove pune, diturie
T'ecim para sa më shpejt,
Bota një, ne nga dy hapa
Njësh me botën në internet.
- - - - - - - - - -
Prishtinë, 2000

[Mujë S. Berisha: "Dhurata më e shtrenjtë", Prishtinë, 2013, fq.10]