Mujë S. Berisha LULJA E ZEMRËS Roman "Në kujtim të përhershëm vëllait Isufit, shoqes së jetës – Myrvetes dhe sugareshës – Violetës; të gjithë atyre që fati ua paracaktoi të përjetonin ditë të hidhura në kohë lufte në Kosovë dhe ecejake refugjati. Edhe të gjithë vëllezërve e motrave – shqiptarë të Maqedonisë e të Shqipërisë, të cilët na pritën zemërhapur dhe nuk kursyen asgjë që jetën tonë të refugjatit të na e bënin sa më të lehtë e të durueshme." SHTËPIA BOTUESE ROZAFA PRISHTINË,2010 BIBLIOTEKA KUTELI Redaktor: Sali Bashota Recensent: Ramadan Musliu Lektor: Sulejman Dërmaku Ballina: Jeton Halili Korrektore: Violeta Berisha - Fejzullahu Realizimi kompjuterik: Ardiana Mehmeti - Bajrami U shtyp në shtypshkronjën PROGRAF, Prishtinë Financuar nga: Ministria e Kulturës, Rinisë dhe Sportit ISBN 978-9951-02-203-3 Verzioni elektronik: librariaeletronike.com |
|
* * *
“Romani i Mujë S.Berishës, “Lulja e zemrës”, për dallim nga kjo rrjedhë e romanit të deritashëm, përpiqet të përfillë një koncept krejtësisht tjetër: dokumentimin e realitetit duke trajtuar një moment thelbësor nga jeta kolektive e shqiptarëve në një moment tragjik të historisë nacionale: tragjedinë e Bllacës, të cilën shpesh jemi prirë ta quajmë edhe si një “eksod biblik”. Autori Mujë S.Berisha përvojën reale nga ky eksod arrin ta transformojë artistikisht dhe të bëjë mbindërtimin artistik, duke profilizuar personazhe, karaktere dhe fate në një situatë sa tragjike po aq edhe me perspektivë të hapur se historia duhet të shkojë tutje, se ekzistenca etnike duhet të vazhdojë më tej. Romani “Lulja e zemrës”, pos vlerave artistike që sjell, ai njëherazi ka edhe statusin e një dokumenti artistik për një periudhë historike që shënon kulmin e tragjikës nacionale. Situata tragjike që përbën bërthamën e rrëfimit romanor, vjen si një katarsis moral sepse ofron paradigmën e një pikëvështrimi human të njeriut në situata skajshmërisht johumane. Botimi i këtij romani pa dyshim se paraqet një kontribut në jo vetëm si dokumentim të një periudhe të rëndë për etnikumin tonë, sepse forcon memorien historike, por edhe si një artikulim artistik ku historia bashkëjeton me kujtesën artistike, sikundër që edhe pasuron zhanrin e romanit me një vepër që i dedikohet një lexuesi paksa më të rritur, atij të fazës së adoleshencës.” |
Ramadan Musliu |
No comments:
Post a Comment