Mujë S. Berisha ZEQË VËRBANI DHE KOHA E TIJ (Monografi) PRISHTINË, 1997 Botues: FJALA JONË Redaktor: Mehmet Gjevori Recensentë: Dr. Mehmet Halimi Dr. Daut Bislimi Lektor: Dr.Mehmet Halimi Rradhitja kompjuterike: Zenun Rexhepi Realizimi kompjuterik: Asdren A. Kelmendi Botimin e ndihmuan: Xhavit Z. Berisha me djemtë Suatin e Sedatin Tirazhi 500 copë Zeqë Vërbani (1886 - 1943) KËNGË PËR ZEQË VËRBANIN Demir Krasniqi: "N'dorë e mora çiftelinë, Ta shpaloj pak historinë. Ta këndoj nji trim shqiptar - Zeqë Vërbanin, atdhetar!..." * * * "Gëzim i madh sod në Vërban Pesdhet vjet shkolla po i ban. Jetish Vishi pika e djalit, Zeqë Vërbani, sokol malit!..." |
|
"... Autori, Mujë Berisha, në monografinë e vet, personalitetin e Zeqë Vërbanit, si figurë qendrore, u përpoq ta paraqes ashtu siç ishte, as më të madh, as më të vogël, as të idealizuar, as të minimizuar, por me tiparet e virtytet e tija të natyrshme si burrë i urtë e pleqnar i matur, si luftëtar vullnetar, si kundërshtar të rreptë e të vendosur të pushteteve okupatore turke, bullgare, serbe e italiane, si kryetar komune e deputet, mbrojtës i të drejtave të vegjëlisë, të të varfërve të popullit të vet, dashamirë të flaktë të arsimit, njeri të shoqëruar e komunikativ, hokatar e gojëtar, virtyte këto që e stolisnin karakterin e tij dhe që e përcollën gjatë tërë jetës... " |
Dr. Mehmet Halimi |
* * *
"... I gjithë angazhimi i Zeqë Vërbanit tregon se Vërbani, katundet përreth dhe Anamorava, kanë pasur kurdoherë, në çdo kohë e në çdo rrethanë një bashkë vendës të sinqertë, një mbrojtës të vendosur të interesave të tyre, një luftëtar të paepur kundër padrejtësisë e pabarazisë, kundër dhunës e përbuzjes nacionale... " |
Dr. Daut Bislimi |
* * *
"...Më kujtohet si sot, unë atëherë fëmijë dhjetëvjeçar, kur Zeqë Vërbani vinte në odën e dajës tim - Ilaz Drugzanit, në Sllatinë të Epërme dhe kërkonte prej meje ta recitoja vjershën "Jemi nipa të Skenderbeut". Unë e recitoja e ai kënaqej duke më dëgjuar, pastaj më përqafonte e ledhatonte, më jepte lekë, ndërsa unë gëzohesha tepër nga ky privilegj që gëzoja në krahasim me fëmijët e tjerë. Edhe njëherë, kur kishte ardhur në odën e axhës tim - Ramiz Cernicës (tribun dhe patriot i dalluar - M.B.), përsëri më kishte kërkuar që t'ia recitoja atë vjershën për Skënderbeun. Sot, pas gjysmë shekulli, kur e kujtoj atë burrë të pashëm e madhështor, patriot e dashamirë i arsimit, përnjëherë bindem se ai ishte një arsimdashës i flaktë, dëshirë e të cilit ishte shkollimi dhe emancipimi i gjeneratave të reja"... (fq.86) |
Ramadan Hoxha |
No comments:
Post a Comment