Beni shkoi n'det
Me prindërit e vet
Dhe me gjyshën Tabë
Të mësojë ndonjë përrallë.
Atje në Tivar
Pa shumë marinarë
Të gjithë me uniforma
Me kapela me fjonga.
Aty i lindi një dëshirë
Të bëhet dhe ai i tillë
T'lundrojë nëpër det
Me shokët e vet.
Ta shohë Adriatikun
Ta kalojë Atlantikun
Ta shohë dhe peshkaqenin,
I cili e frikëson Benin.
Të shkojë gjer në Nju-Jork
Të hyjë në Ist River
Të flasë për çarmatimin
Të luftojë kolonializmin
Të mbrojë dhe palestinezët
Të kërkojë paqe për njerëzit.
(1987)
[Mujë S. Berisha:“Kalorës Kaltërsie”, Prishtinë, 2000, fq.53]
No comments:
Post a Comment